Thackeray Group and Ncp Corporator Join Shiv Sena: गोंदिया जिल्ह्यात ठाकरे गट आणि राष्ट्रवादीला मोठा धक्का बसला आहे. येथील अर्जुनी मोरगावमधील राष्ट्रवादी काँग्रेसच्या २ नगराध्यक्ष आणि तब्बल १२ नगरसेवकांनी केला शिवसेनेत प्रवेश केला आहे. तर ठाकरे गटाच्या ४ विद्यमान नगरसेवकांनी शिवसेनेत पक्ष प्रवेश केला आहे.

ठाकरे गटाचे बांधकाम सभापती आणि विद्यमान नगरसेवक महेंद्र वंजारी यांनी देखील शिवसेनेत प्रवेश केला आहे.

अर्जुनी मोरगाव विधानसभा मतदासंघाचे राष्ट्रवादीचे युवा नेते डॉ सुगत चद्रिकापुरे यांच्या नेतृत्वाखाली आणि राज्याचे मुख्यमंत्री तथा शिवसेना मुख्य नेते एकनाथ शिंदे यांच्या प्रमुख उपस्थितीत सडक अर्जुनी नगर पंचायत मधील विद्यमान नगराध्यक्ष तेजराम मडावी यांचे सहित १२ विद्यमान नगरसेवकांनी शिवसेनेत जाहीर प्रवेश केला.  (Latest Marathi News)

तसेच अर्जुनी मोरगाव नगरपंचायत विद्यमान नगर अध्यक्ष मंजुषा बरसागडे यांचे सहित ३ नगरसेवकांनी आज शिवसेनेत जाहीर प्रवेश केला.

मुख्यमंत्री एकनाथ शिंदे यांच्या विकासाभिमुख नेतृत्वावर विश्वास ठेवून आम्ही मतदारसंघातील विकासासाठी शिवसेनेत प्रवेश करत असल्याचे डॉ सुगत चंद्रिकापुरे यांनी यावेळी सांगितले.