शुभम देशमुख
गोंदिया : गोंदियात आज सकाळी हिट अँड रनचा थरात पाहायला मिळाला. या घटनेत भरधाव कारने रस्त्याच्या बाजूला उभ्या असलेल्या तिघांना उडविले. यात तिघेजण गंभीर जखमी झाले असून अपघाताचा हा थरार सीसीटिव्ही कॅमेरात कैद झाली आहे.

गोरेगाव वरून गोंदियाच्या (Gondia) दिशेने येताना पॉलिटेक्निक कॉलेज समोर भरधाव कारने रस्त्याच्या कडेला बसलेल्या तीन जणांना उडवले. या घटनेत दोन ट्रक ड्रायव्हर आणि एक सायकलस्वार गंभीर जखमी झाले आहेत. जखमीमध्ये कारंजा येथील हेमराज राऊत (वय ५४), फुलचुर येथील कादीर शेख (वय ३८) व एक सायकलस्वार (Accident) देखील गंभीर जखमी असून तिघांवर गोंदियातील एका खाजगी रुग्णालयात उपचार सुरू आहे.

घटनेचा थरार सीसीटिव्ही कैद
रस्त्यावर झालेल्या अपघाताची थरारक घटना रस्त्यावर लागलेल्या एका सीसीटीव्ही कॅमेऱ्यात कैद झाली आहे. यात भरधाव कार चालकाने दिलेल्या धडकेत तिघेजण वर फेकले जाऊन दूर अंतरावर पडले आहेत.