अंगावर गुलाल. कपड्यावर गुलाल. डोक्यावर गुलाल अन् ज्याला डोक्यावर घेवून नाचत्यात त्याच्याबी डोक्यावर गुलाल. ही हाय झेन झीच्या पुढची पीढी झेन अल्फा. मग असणारच की थोडी फॉर्डवर्ड. झेन झीनं सरकारला हादरा दिला. पण झेन अल्फानं स्वत:चंच सरकार उभारलंय. ह्यो जल्लोष त्याचाच हाय चमकल्या का नाय डोसक्यात चांदण्या.

त्याचं झालं असं फुलंब्रीच्या पाथ्री गावात राजर्षी शाहू विद्यालयात निवडणुका घ्यायचं ठरलं ती बी बॅलेटवर म्हणजी मतपत्रिकेवर. अत्यंत शांत आणि लोकशाही पद्धतीनं निवडणुका झाल्या. उमेदवार निवडून आलं. मुख्यमंत्री बी ठरला. सगळ्यांच्या निवडीनं मुख्यमंत्रीपदाचा मान एका मुलीला मिळाला. आपल्या राज्याची स्थापना झाल्यापासनं भल्या भल्यांना जी जमलं नाय ती झेन अल्फानं करुन दावलंय. पहिली महिला मुख्यमंत्री देऊन. असं वाटतंय या पोरांवरनी जीव ओवाळून टाकावा.

एकीकडं लोकशाहीला काहीजण लपूव छपून विरोध करत्यात पण जोवर अशी झेन अल्फा सारखी पीढी हाय तोवर कुणाचा पप्पा जरी आलं तरी लोकशाही संपायची नाय. थोडक्यात काय तर ही लोकशाहीचा विजय