सांगली : पंचशील नगर (sangli panchshil nagar) येथे गॅस सिलेंडरचा स्फाेट झाला आहे. यामुळे येथे माेठ्या प्रमाणात आग पसरली आहे. या आगीत सुमारे चार घरे जळून खाक झालीत. या घटनेत एक अग्निशमन विभागाच्या जवानासह, नागरिक जखमी झाले आहेत. (sangli latest marathi news)

दुपारच्या सुमारास चारही घरातील सर्व कुटुंब बाहेर गेले होते. यावेळी अचानक एका पत्र्याच्या घरातून धूर येऊ लागला. त्यामुळे नागरिकांनी लगेच अग्निशमन विभागास कळविले.

या घटनेची (fire) माहिती मिळताच अग्निशमन विभाग तातडीने घटनास्थळी (sangli) पाेहचले. सध्या येथे आग विझविणयाचे काम सुरु असून नागरिकांना सुरक्षित स्थळी हलविण्यात आले आहे. दरम्यान आग आटोक्यात आणत असताना घरातील एका सिलेंडरचा स्फोट झाला. त्यामुळे अग्नीशनम विभागाचा एक कर्मचारी आणि नागरिक जखमी झाले. यावेळी बघ्यांची मोठी गर्दी झाली होती.

सुदैवाने या घटनेत कोणतीही जीवित हानी झाली नाही. जखमींना सांगलीच्या शासकीय रुग्णालयात दाखल करण्यात आले आहे. चारही घरातील सर्व संसार उपयोगी सामान जळून खाक झाले आहे.

Edited By : Siddharth Latkar