गडचिरोली: नक्षलवाद्यांना (Naxals) स्फोटक साहित्याचा पुरवठा करणारी नक्षल समर्थक टोळीला अटक (arrested) करण्यात आली आहे. या नक्षल समर्थकांकडून नक्षल साहित्य आढळून आले आहे. सुरक्षा दलाच्या जवानांनी या प्रकरणी ४ जणांना अटक (arrested) करण्यात आली आहे. यामध्ये एक जण फरार आहे. गडचिरोलीमधील (Gadchiroli) जिल्ह्यात अहेरी तालुक्यातील उपपोस्टे दामरचा हद्दीतील मौजा भंगारामपेठा गावात या टोळीवर कारवाई करण्यात आली आहे. (Gang supplying explosives to Naxals arrested Gadchiroli)

हे देखील पहा-

दामरंचा पोस्टे पार्टी आणि शीघ्र कृती दल (क्युआरटी) दामरंचाचे जवान नक्षलविरोधी (Naxals) अभियान राबवित होते. त्यावेळी तेलंगणामधून (Telangana) दामरंचा मार्गे छत्तीसगड (Chhattisgarh) या ठिकाणी वाहतूक करत असलेल्या ४ इसमांकडून १० नग कार्डेक्स वायरचे बंडल आणि इतर नक्षल साहित्य जप्त करण्यात यश आले आहे.

यामध्ये सुरक्षा दलाच्या जवानांनी या प्रकरणात राजू गोपाल सल्ला (वय-३१) करीमनगर (तेलंगणा), काशिनाथ ऊर्फ रवि मुल्ला गावडे (वय-२४) अहेरी-गडचिरोली, साधू लच्चा तलांडी (वय- ३०), मोहम्मद कासिम शादुल्ला, करीमनगर (तेलंगणा) या ४ अटक करण्यात आली आहे. तर, छोटू ऊर्फ सिनू मुल्ला गावडे हा आरोपी मौजा भंगाराम पेठा अहेरी येथील रहिवासी असून तो फरार आहे. गडचिरोली पोलिसांकडून याचा सध्या शोध सुरू आहे.

Edited By- Digambar Jadhav