सोलापूर : जिल्हात अनेक ठिकाणी वाहन चोरीच्या घटना घडत असतानाच सोलापूर, लातूर आणि औसा या शहरातून दुचाकी चोरणाऱ्या एका टोळीला पोलिसांनी अटक केली आहे. दहा मोटरसायकली यामध्ये जप्त करण्यात आलेल्या आहेत. अमित थोरात, पांडुरंग पांचाळ, मनोज राठोड, बालाजी लोंढे या चौघांना अटक करण्यात आलेले आहे. सोलापुरातील जोडभावी पेठ, फौजदार चावडी आणि एमआयडीसी पोलीस ठाण्यातील तीन दुचाकी तर लातूर, औसा येथील सात दुचाकी असे एकूण दहा दुचाकी जप्त करण्यात आलेल्या आहेत. (gang of two wheeler thief is arrested in solapur)

हे देखील पहा -

३ ऑगस्ट रोजी मोहन जाधव यांची दुचाकी रुपा भवानी मंदिराजवळ चोरीला गेली होती. जुना तुळजापूर नाक्याजवळ फौजदार प्रविण दांडे आणि त्यांच पथक गस्त घालत असताना एक विना क्रमांकाची दुचाकी जात होती. संशय आल्याने त्याचा पाठलाग करून डी मार्ट जवळ त्यांना पोलिसांनी पकडले. थोरात आणि पांचाळ यांच्याकडे चौकशी केली असता त्यांनी लातूर जिल्ह्यातून ही दुचाकी सोडल्याचे त्यांनी सांगितले. त्यांचे आणखी साथीदार मनोज राठोड आणि बालाजी लोंढे यांनाही ताब्यात घेण्यात आले.

पोलिसांनी दिलेल्या माहितीनुसार जेरबंद करण्यात आलेले सर्वजण रेकॉर्डवरील सराईत गुन्हेगार आहेत. मौजमजा करणे, दुचाकी विक्रीच्या पैशातून मद्यपान, जेवण करणे हा त्यांचा मनोरंजनाचा भाग आहे. ही कारवाई पोलीस उपायुक्त वैशाली कडूकर यांच्या मार्गदर्शनाखाली करण्यात आली.

Edited By - Akshay Baisane