Kokan Vande Bharat Saam Tv
महाराष्ट्र

प्रवाशांसाठी खुशखबर! मुंबई - कोकण वंदे भारत एक्स्प्रेसमध्ये मोठा बदल; मध्य रेल्वेचा निर्णय

Ganeshotsav Special Vande Bharat: गणेशोत्सवानिमित्त मुंबई-मडगाव वंदे भारत १६ डब्यांची धावणार. २५ ते ३० ऑगस्ट दरम्यान विशेष गाडीचं वेळापत्रक जाहीर.

Bhagyashree Kamble

  • गणेशोत्सवानिमित्त मुंबई-मडगाव वंदे भारत १६ डब्यांची धावणार.

  • २५ ते ३० ऑगस्ट दरम्यान विशेष गाडीचं वेळापत्रक जाहीर.

  • दादर, ठाणे, पनवेलसह कोकणातील महत्त्वाच्या स्थानकांवर थांबे.

  • चाकरमान्यांच्या सोयीसाठी मध्य रेल्वेनं घेतला दिलासा देणारा निर्णय.

अवघ्या काही दिवसांत गणपती बाप्पा घराघरात विराजमान होतील. राज्यात गणेशोत्सव मोठ्या थाटामाटात साजरा केला जातो. या सणाला राज्य महोत्सवाचा दर्जाही देण्यात आलाय. गणेशत्सवाला प्रामुख्यानं चाकरमानी गावची वाट धरतात. घराघरांत बाप्पाची प्राणप्रतिष्ठा करतात. आता चाकरमान्यांसाठी एक खूशखबर. प्रवाशांचा प्रवास सुखकर आणि आरामदायी होण्यासाठी रेल्वे प्रशासनाकडून पावलं उचलण्यात येत आहे. मुंबई- मडगाव वंदे भारतबाबत एक महत्वाची बातमी समोर येत आहे.

कोकणात जाण्यासाठी विशेष मुंबई - मडगाव वंदे भारत धावते. या रेल्वेला प्रवाशांकडून भरघोस प्रतिसाद मिळाला. मुंबई - मडगाव वंदे भारत ८ डब्यांची धावते. आता गणेशोत्सवानिमित्त खास वंदे भारत एक्स्प्रेस १६ डब्यांची करण्यात येणार आहे. गणेशोत्सवात प्रवाशांची दगदग होऊ नये, यासह प्रवास सोयीस्कर व्हावा, यासाठी हा निर्णय घेण्यात आला आहे.

हा बदल तात्पुरत्या स्वरूपात करण्यात आला आहे. गणेशोत्सवात होणारी प्रवाशांची अतिरिक्त गर्दी लक्षात घेता मध्य रेल्वेनं हा निर्णय घेतला आहे. यामुळे चाकरमान्यांचा प्रवास अधिक सुखकर होईल.

१६ डब्यांची मुंबई - मडगाव वंदे भारत एक्स्प्रेस मुंबईहून खास २५,२७ आणि २९ ऑगस्ट रोजी धावणार आहे. तर, मडगावहून २६,२८ ते ३० ऑगस्ट रोजी धावणार आहे. मध्य रेल्वेनं घेतलेल्या या निर्णयामुळे ऐन गणेशोत्सवात चाकरमान्यांना नक्कीच दिलासा मिळणार आहे.

मुंबई - मडगाव वंदे भारत एक्स्प्रेस किती थांबे किती?

मुंबई - मडगाव वंदे भारत एक्स्प्रेस छत्रपती शिवाजी महाराज टर्मिनसहून पहाटे ५ वाजून २५ मिनिटांनी सुटेल. तर, दुपारी १ वाजून १५ मिनिटांनी मडगावला पोहोचेल. तर, परतीच्यावेळी मडगावातून दुपारी २ वाजून ३५ मिनिटांनी सुटेल. तर, रात्री १० वाजून २५ मिनिटांनी सीएसएमटीला पोहोचेल.

या प्रवासादरम्यान, दादर, ठाणे, पनवेल, रोहा, खेड, रत्नागिरी, कणकवली, थिविम या स्थानकांवर वंदे भारत थांबेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Kumbha Rashi : आरोग्यात काळजी, नोकरी-व्यवसायात प्रगती, कसा असेल कुंभ राशीचा आजचा दिवस

Gautam Gaikwad Missing: सिंहगडावरील गौतमचा अपघात की घातपात? सीसीटीव्हीतील हुडीवाल्यामुळं गूढ वाढलं

Maval Farmer: 'जीव गेला तरी चालेल एक इंचही जमीन देणार नाही'; रिंग रोडला शेतकऱ्यांचा तीव्र विरोध

Uttar Pradesh Crime: ५ दिवसाआधी पत्नीच्या मृत्यू, सहाव्या दिवशी दीड वर्षाच्या मुलासोबत BSF जवानाची गंगेत उडी

कोकणी माणसाला चाकरमानी म्हणायचं की कोकणवासीय?, कोकणी लोकांच्या भावना जाणून घ्या

SCROLL FOR NEXT