- रणजीत माजगावकर

Kolhapur Ganpati Visarjan 2023 : गणेश चतुर्थीच्या पाचव्या दिवशी आज गौरी गणपती विसर्जनाने घरगुती गणेशोत्सवाची सांगता होत आहे. लाडक्या बाप्पांना निरोप देण्यासाठी भाविकांबराेबरच कोल्हापूर महानगरपालिका सज्ज झालेली आहे. (Maharashtra News)

गणेश चुतर्थीला कोल्हापूरकरांनी शाहूपुरी कुंभार गल्ली , बापट कॅम्प, पापाची तीकटी या परिसरातून ढोल ताशाच्या गजरात आणि कोल्हापुरी हलगीच्या ठेक्यात गणपती बाप्पाचा जयघोष करत आपल्या लाडक्या बाप्पाला घरी आणले हाेते.

त्यानंतर गाैराईचे देखील माेठ्या थाटामाटात आगमन झाले. शुक्रवारी गाैरीईची पूजा माेठा उत्साहात पार पडली. आज उत्सवाचा पाचवा दिवस असून लाडक्या गणरायाला अनेक घरातून निराेप दिला जाताे.

आज गौरी गणपती विसर्जनाने घरगुती गणेशोत्सवाची सांगता होणार असल्याने कोल्हापूर महानगरपालिका सज्ज झालेली आहे. महापालिकेकडून ठिकठिकाणी कृत्रिम विसर्जन कुंडाची व्यवस्था करण्यात आली आहे.

जास्तीत जास्त गणेश मूर्तीचं विसर्जन व्हावं यासाठी महापालिकेच्या इराणी खण इथं गणेश मूर्ती विसर्जनाची व्यवस्था करण्यात आलेली आहे. इराणी खणीत साधारण कोल्हापूर शहर आणि परिसरातील 55 ते 60 हजार घरगुती गणेश मूर्तीचे विसर्जन करण्यात येणार आहे. या (ganeshotsav) विसर्जन सोहळ्यासाठी महापालिका अग्निशमन दल आणि पोलीस यंत्रणा देखील सज्ज झालेली आहे.

पंचगंगेतच विसर्जन करणार : हिंदुत्ववादी संघटनांची भूमिका

दरम्यान पंचगंगा नदीत गणेश मूर्तींचे विसर्जन करू नये असे आवाहन करण्यात आले आहे. त्यास हिंदुत्ववादी संघटनांनी विरोध दर्शविला आहे. यासाठी पंचगंगा परिसरात मोठा पोलीस फाटा तैनात असून पंचगंगा नदी परिसरात मोठा तणाव दिसून येत आहे.

Edited By : Siddharth Latkar