नांदेड : थर्टी फर्स्ट ची पार्टी एका तरुणाच्या जिवावर बेतल्याची घटना नांदेड मध्ये घडलीय. शहरातील गोदावरी नगर येथील बि. आर. जे. प्लाझा या अपार्टमेंट मध्ये 31 डिसेंबर रोजी थर्टी फर्स्ट ची पार्टी करण्यासाठी पाच मित्र जमले. हि पार्टी सुरु असताना मित्रांमध्ये किरकोळ कारणावरून वाद झाला आणि त्याचे पर्यवसन हाणामारीत झाले.

हे देखील पहा :

या पाच जणांपैकी एकाने संतोष भालेराव या तरुणास जबर मारहाण केली. जखमी झालेला संतोष इमारतीच्या चौथा मजल्याच्या गॅलरीतून खाली पडल्याने त्याचा जागीच मृत्यू झाला. घटनेची माहिती मिळताच प्रभारी पोलीस अधीक्षक विजय कबाडे यांनी घटनास्थळावर भेट देऊन, संतोष ला मारहाण करणाऱ्या चार जणांना तातडीने ताब्यात घेतले.

या गुन्ह्याप्रकरणी संतोष भालेराव याची पत्नी श्वेताने दिलेल्या तक्रारीवरून सोपान पाटील, गणेश कदम, माधव बोळके, मारोती बोरलेपवाड या चार आरोपींविरोधात भाग्यनगर पोलीस ठाण्यात खुनाचा गुन्हा दाखल करण्यात आला आहे.

Edited By : Krushnarav Sathe