Kolhapur: आंब्याला फळांचा राजा का म्हणतात याचीच प्रचिती कोल्हापुरात पाहायला मिळाली. कोल्हापूर शेती उत्पन्न बाजार समितीमध्ये प्रथमच फळांचा राजा हापूस आंबा शनिवारी दाखल झाला. कोल्हापूरकरांनी या हापूस आंब्यासाठी लावलेली बोली आजवरच्या इतिहासातील मोठी बोली ठरली. मुहूर्ताच्या पहिल्याच सौद्यामध्ये पाच डझनाच्या पेटीला तब्बल 51 हजार रुपयांचा दर मिळाला आहे. राज्यसभा खासदार धनंजय महाडिक (Dhananjay Mahadik) यांच्या हस्ते काढण्यात आलेल्या सौद्याला सर्वाधिक दर मिळाला आहे.

कोल्हापूर शेती उत्पन्न बाजार समितीमध्ये प्रथमच फळांचा राजा हापूस आंबा आज दाखल झाला. मुहूर्ताच्या पहिल्याच सौद्यामध्ये पाच डझनाच्या पेटीला ५१,००० रुपयांचा दर निघाला. पहिला सौदा खासदार धनंजय महाडिक यांच्या हस्ते काढला.कोल्हापुरात साधरत: मार्च महिन्याच्या पहिल्या आठवड्यापासून आंब्याची आवक सुरू होते.

मात्र यावर्षी जानेवारी महिन्यामध्ये आंब्याची आवक सुरू झाली आहे. कुंभारमठ (ता. देवगड) येथील शेतकरी सुहास दिंदास गोवेकर यांचा हापूस आंबा खासदार धनंजय महाडिक यांनी बोली लावत ५१,००० खरेदी केला असून राज्यातील यावर्षीचा सर्वात उच्चांकी दर हा कोल्हापुरात मिळाला आहे.

यंदाच्या हंगामातील पहिला आंबा कोल्हापूरच्या कृषी उत्पन्न बाजार समितीमध्ये दाखल झाला याचा लिलाव आज सकाळी खासदार धनंजय महाडिक यांच्या उपस्थितीत पार पडला 5000 रुपयापासून सुरू झालेला दर हा तब्बल 51 हजार रुपयापर्यंत पोहोचला. सदर लिलावात खासदार धनंजय महाडिक यांनी देखील बोली लावत तब्बल 51 हजार रुपयाला आंबा खरेदी केला.

यंदाच्या हंगामातील राज्यातील सर्वाधिक बोली ही कोल्हापुरात लागली असून कोल्हापुरातील पहिला आंबा हा खासदार धनंजय महाडिक यांच्या घरात गेला आहे. पाच डझनाला सुमारे एकावन हजार रुपये दर मिळाल्याने एका डझनाचा दर कमीत-कमी दहा हजार दोनशे रुपये होत आहे. त्यामुळे सर्वसामान्य ग्राहकांना आंब्याची आवक मोठ्या प्रमाणात होऊन दर आवाक्यात येण्याची प्रतीक्षा करावी लागणार आहे.