Beed News : चहाच्या हॉटेलवर सिगारेटचे पाकीट महाग का दिले? असं म्हणत गोळीबार केल्याची धक्कादायक घटना बीडच्या परळी जवळील कन्हेरवाडी शिवारात घडली आहे. तब्बल तीन राउंड फायर झाल्याने खळबळ उडाली आहे. याप्रकरणी परळी ग्रामीण पोलीस  (Police)  ठाण्यात अज्ञात व्यक्तींविरोधात गुन्हा दाखल करण्यात आला आहे.

परळी शहरापासून जवळच कन्हेरवाडी शिवारात सुरेश फड यांचे यशराज हॉटेल आहे. जे विलास आघाव हे मागील एक वर्षांपासून चालवतात. या ठिकाणी रात्री एक वाजण्याच्या सुमारास 4 जण चहा पिण्यासाठी आले. त्यांनी हॉटेलमधील वेटरकडे सिगारेटचे पाकीट मागितले. (Maharashtra News)

वेटरने सिगारेटचे पाकीट आणले मात्र सिगारेटचे पाकीट महाग का दिले? असं म्हणत ग्राहकांनी हुज्जत घालायला सुरुवात केली. बाचाबाची आणि वादावादी एवढी वाढली की प्रकरण मारहाणीपर्यंत गेले. (Latest Marathi News)

ग्राहकांपैकी एकाने स्वतःकडील पिस्तूलातून हवेत एक राउंड फायर केला. गोळीबाराचा आवाज ऐकून नोकरांनी हॉटेलचे शटर लावून घेतले. त्यामुळे संतापलेल्या या लोकांनी शटरवर दोन राउंड फायर केले.