बीड : बीडच्या गेवराई तालुक्यातील शहाजापुर चकला येथे, वाळू माफियांनी वाळू उपश्यासाठी सिंदफना नदीपात्रात केलेल्या खड्ड्यात बुडून चार बालकांचा मृत्यू झाला होता. याच मयत बालकांच्या कुटुंबाची आमदार विनायक मेटे (Vinayak Mete) यांनी आज भेट घेतली आहे. या भेटी दरम्यान मेटे यांनी मयत मुलांच्या भावांना शिक्षणासाठी दत्तक देखील घेतल्याचे जाहीर केले. मुलांच्या मृत्यूनंतर चार जणांवर गुन्हा दाखल झाला आहे.

हे देखील पाहा :

मात्र, हे गुन्हे महसूल आणि पोलिस (Police) अधिकाऱ्यावर झाले पाहिजे. अशी मागणी आमदार विनायक मेटे यांनी यावेळी केलीय. मागासवर्गीय मुलांचा वाळू माफियांमुळे (Sand Mafia) मृत्यू होतो. मात्र सामाजिक खात्याचे मंत्री असलेल्या धनंजय मुंडे (Dhananjay Munde) यांना याचं कसलंच गांभीर्य नाही. मुलांना मदत म्हणून निदान दहा लाख रुपयांचे पॅकेज घोषित करावं. अशी मागणी आमदार विनायक मेटे यांनी यावेळी केलीय.

Edited By : Krushnarav Sathe