Solapur Fire News : सोलापूरात (solapur) भीषण आगीची घटना घडली आहे. दाेन रेडिमेड कपड्यांच्या कारखान्यांना आगीची झळ बसली आहे. या भीषण आगीत दोन्ही कारखाने जळून खाक झालेत. सोलापूर शहरातील दत्तनगर येथील शिवमहेश्वरी मंदिराजवळील कारखान्यांत ही भीषण आग (fire) लागली हाेती. (Breaking Marathi News)

कारखाने जळून खाक

प्राथमिक माहितीनुसार, गड्डाम आणि कुरापटी या दोन कपड्यांच्या कारखान्यांना आगीची झळ बसली. आज सकाळी एका कारखान्याला अचानक आग लागली. काही वेळातच आगीने उग्र रूप धारण केले आणि शेजारील कारखानाही जळून खाक झाला. या आगीत पाच दुकानांचे (shop) नुकसान झाले आहे. लाखो रुपयांचा माल जळून खाक झाला आहे.

जीवितहानी नाही

आगीची माहिती मिळताच सोलापूर अग्निशमन दलाच्या पाच गाड्या घटनास्थळी दाखल झाल्या. एका कारखान्यात आग लागल्यानंतर आग दुसऱ्या कारखान्यात पसरली. नागरिकांनी परिसरात आग लागल्याचे समजताच अग्निशमन दलाला आगीची माहिती दिली हाेती. अखेर तासाभराच्या प्रयत्नानंतर आग आटोक्यात आली. मात्र आगीचे कारण अद्याप समजू शकले नाही. सुदैवाने या घटनेत कोणतीही जीवितहानी झाली नाही.

Edited By : Siddharth Latkar