वर्धा: पोलीस कर्मचाऱ्याच्या घरासमोर जाळून घेणाऱ्या महिला गृहरक्षकाचा मृत्यू झाला आहे. नागपूरच्या किमया रुग्णालयात उपचारादरम्यान मृत्यू झाला आहे. वर्ध्याच्या पोलिस वसाहतमध्ये काल रात्री महिला गृहरक्षकाने स्वत:ला पेटवून घेत आत्महत्येचा प्रयत्न केला होता. पिंपरी येथील F2 क्वार्टरच्या दारासमोर महिला गृहरक्षकाने अंगावर पेट्रोल ओतून घेत पेटवून घेतले होते.

पोलिस शिपाई नवनाथ मुंडे याच्या दारासमोर संबंधीत महिलेने जाळून घेतले होते. या घटनेला होवून 24 तास उलटून गेले आहेत तरीही रामनगर पोलिसांनी गुन्हा का दाखल केलेला नाही. महिला गृहरक्षकाने पोलिस वसाहतमध्ये जात जाळून का घेतले ? F2 च्या क्वार्टर समोरच का जाळून घेतले असा प्रश्न उपस्थित केला जात आहे.

Edited By: Pravin Dhamale