पंढरपूर : पंढरपूर शहरामध्ये सासरा आणि सुनेच्या नात्याला काळीमा फासणारी एक धक्कादायक घटना घडली आहे. सुनेला आपल्या मुलापासून मुल होत नसल्याने तिचा आंघोळ करताना व्हिडीओ शूट करत तिच्याकडे शारिरिक संबंधांकरिता दबाव टाकणाऱ्या सासऱ्याला पोलिसांनी अटक केली आहे. पोलिसांनी या प्रकरणात आरोपी सासऱ्याला अटक करण्यात आली आहे.

हे देखील पहा-

मिळालेल्या माहितीनुसार, आठवडाभरापूर्वी सून घरात एकटी असताना सासऱ्याने तिच्या अंगावर हात टाकून बळजबरी करण्याचा प्रयत्न केला होता. त्यावेळेस सूनेने आरडाओरडा केल्याने सासऱ्याने तिला सोडले. नंतर हा प्रकार पीडित महिलेने (woman) आपल्या पतीला सांगितल्यानंतर त्याने पीडितेची समजुत काढली. परंतू, यानंतर वासनांध सासऱ्याने पुढच पाऊल टाकत आपल्या सुनेचा आंघोळ करतानाचा व्हिडीओ (Video) शूट केला होता.

व्हिडीओ आपल्या सूनेला दाखवत आरोपी सासऱ्याने सूनेला, तुला माझ्या मुलापासून मुल होणार नाही, तू माझ्याशी संबंध ठेव असे म्हणत दबाव टाकायला सुरुवात केली. माझ्याशी संबंध ठेवले नाही तर हा व्हिडीओ व्हायरल (Viral) करण्याची धमकी देत आरोपी सासरा नेहमी सुनेवर दबाव टाकायला लागला. या दबावाला कंटाळून अखेर सुनेने हा प्रकार आपल्या आई- वडिलांना सांगितला आहे. ज्यानंतर त्यांनी पंढरपूर (Pandharpur) पोलीस ठाण्यामध्ये तक्रार दाखल केली आहे. पोलिसांनी (police) याप्रकरणी तात्काळ कारवाई करत आरोपी सासऱ्याला ताब्यात घेतले आहे.

Edited By- Digambar Jadhav