लाडक्या जावयाला सासऱ्याकडून घोडी गिफ्ट

मामा अन् मामीचा फोन आला...

जावायानं कीक हानली गाडीला...

अन् थेट पोहोचला सासुरवाडीला...

ती बी एकदम सुसाट जागेवर भिंगरी... यातली शॉलेड गोष्ट म्हणजी धोंड्याचा महिना ... मग स्पेशल गिफ्ट मिळणारच की ती बी 100 टक्के खरं

घटना धाराशिवच्या भूम तालुक्यातल्या ईट गावची... जावाई क्रांतिसिंहराव... सासूरवाडीला बायकुसंग धोंड्याच्या जेवायला गेलं... जेवण झालं... धोंड्यांच्या महिन्यात सोन्यासारख्या जावायाला सोनं देण्याची पद्धत असती.... पण सोनं गेलंय दीड लाखाच्या पुढं दोन लाखाला मिटी मारायला.... गाडी द्यायची झाली तर पेट्रोल डिझेलचा झालेला इस्कूट समद्यानं बिघितलाय... ट्रम्प तात्याच्या अडग्यापणाचा फटका जावायला का म्हणून सासऱ्यानं लावली अक्कल अन् लढवली शक्कल... अन् पाठवलं सरप्राईज गिफ्ट थेट घरी..

सासरा म्हणला... जावाईबापू स्पेशल गिफ्ट हाय शेतीच्या कामासाठी गोडमाणा ... जावायनं गिफ्ट बघितलं हान हारकूनच गेला... सासऱ्यानं पाठवलंच होतं चार पायाचं रुबाबदार हत्यार... ती बी सिंधी जातीचा घोडा....सासरेबुवाचं गिफ्ट जावाईबापूच्या रुबाबाला अन् नावाला शोभणारच हाय... घोडा बघताच जावायानं बी टाकली टांग अन् मारला फेरफटका एकदम टणाटण... सध्या धोंड्याचा महिना सुरु हाय... समस्त जावाईबापू संघटना सासूरवाडीच्या मार्गावर हाईत...प्रत्येकाला सोन्याचं गिफ्ट मिळल नाय मिळल ही गोष्ट निराळी पण सासऱ्यानं सोन्यासारखी बायकू दिलीय तेवढं इसरु नका