Fact Check on Viral Message About Landlord Deposit Limit : आम्ही व्हायरल मेसेजची पडताळणी करतो आणि सत्य समोर आणतो...आता दावा करण्यात आलाय की घर भाड्याने देताना जास्त डिपॉझिट घेणाऱ्यांवर कारवाई केली जाणार आहे...खरंच असा कायदा तयार करण्यात आलाय का...? याची आम्ही पडताळणी केली...त्यावेळी काय सत्य समोर आलं पाहुयात...

घरामध्ये भाडेकरू ठेवत असाल तर नवीन नियमांचं पालन करा, नाहीतर घर मालकाला मोठा दंड भरावा लागेल...कारण, आता नवीन कायद्यानुसार अनेक नवे नियम लागू करण्यात आलेयत...डिपॉझिट अधिक घेतल्यास घरमालकावर दंडात्मक कारवाई होऊ शकते असा दावा केलाय...पण, खरंच असा नवीन कायदा लागू झालाय का...? कारण, अनेक जण घर भाड्याने देतात...त्यामुळे आम्ही याची आम्ही पडताळणी सुरू केली...त्याआधी मेसेजमध्ये काय दावा केलाय पाहुयात...

नवीन भाडे कायद्यानुसार, घरमालक 2 महिन्यांपेक्षा जास्त भाडे घेऊ शकत नाही. कायदेशीर प्रक्रियेचे पालन केल्याशिवाय भाडेकरूंना घराबाहेर काढता येत नाही.नियमांचं उल्लंघन करणाऱ्या मालकांना दंड लागणार.

हा मेसेज व्हायरल होतोय...त्यामुळे हजारो घरमालकांना याची सत्यता सांगणं गरजेचं आहे...असा कायदा कधी लागू झाला...खरंच अशी मालकावर दंडात्मक कारवाई होऊ शकते का...? याची सत्यता जाणून घेण्यासाठी आम्ही पडताळणी सुरू केली...यावेळी काही राज्ये आणि केंद्रशासित प्रदेशांनी मॉडेल टेनेन्सी कायद्यावर आधारित नियम तयार केल्याचं आढळून आलं. पण, महाराष्ट्रात असा कायदा लागू आहे का ? याबाबत कायदेतज्ज्ञांकडून अधिक माहिती जाणून घेतली. त्यामुळे आमच्या पडताळणीत काय सत्य समोर आलंय पाहुयात...

साम इन्व्हिस्टिगेशन

नवीन भाडे कायद्याचा मसूदा तयार केलाय

भाडेकरू-मालकातील वाद होऊ नयेत यासाठी प्रयत्न

मॉडेल रेंट अॅक्ट असं नाव देण्यात आलंय

अजून हा कायदा अंमलात आलेला नाही

नव्या कायद्यानुसार मालकाला 2 महिन्याचे भाडे डिपॉझिट घेता येईल

अजून हा कायदा लागू झालेला नाही...पण, कायदा लागू झाल्यानंतर भरमसाठ डिपॉझिट घेणाऱ्यांवर निर्बंध येणार आहेत. आणि नियमांचं उल्लंघन केल्यास मालकावर दंडात्मक कारवाई होऊ शकते. सध्या तरी असा कोणताही कायदा लागू झालेला नाही. त्यामुळे आमच्या पडताळणीत जास्त डिपॉझिट घेणाऱ्या मालकाला दंड बसणार असल्याचा दावा असत्य ठरलाय. कायदा लागू झाल्यानंतर मात्र, दंड लागू शकतो...