सुरज सावंत; प्रतिनिधी...

Irshalwadi Landslide: खालापूर तालुक्यात असलेल्या इर्शाळवाडी गावावर काल रात्री दरड कोसळून भीषण दुर्घटना घडली. पश्चिम घाटातील पर्वतरांगांमध्ये दर काही वर्षांनी भूस्खलनाच्या घटना घडत असतात. त्यामुळे पावासाळा आला की याच परिसरातील नागरिकांना भूस्खलनामुळे धोका निर्माण होतो.

या घटनेनंतर राज्य सरकारनेही सुरक्षेच्या दृष्टीने हालचाली सुरू केल्या आहेत. आज झालेल्या राज्य मंत्रीमंडळाच्या बैठकीत दरडग्रस्त भागातील नागरिकांना त्वरित सुरक्षित ठिकाणी स्थलांतरीत करण्याचे निर्देश मुख्य सचिवांना देण्यात आले आहेत.

याबाबत अधिक माहिती अशी की, गेल्या काही दिवसांपासून राज्यात मुसळधार पावसाला सुरूवात झाली आहे. या पावसामुळे अनेक ठिकाणी दरड कोसळल्याच्या घटना समोर आल्या आहेत. इर्शाळवाडी दुर्घटनेनंतर राज्य सरकारही अलर्ट मोडवर आले आहे.

याबाबत आज झालेल्या राज्य मंत्रीमंडळाच्या बैठकीत दरडग्रस्त भागातील नागरिकांना त्वरित सुरक्षित ठिकाणी स्थलांतरीत करण्याचे निर्देश मुख्य सचिवांना देण्यात आले. तसेच मागील काही वर्षात दरड कोसळण्याच्या घटना घडल्या होत्या. या घटनांचा अभ्यास करुन अहवाल सादर करण्याच्याही सुचना देण्यात आल्या आहेत.

दरम्यान, खालापूरजवळच्या इर्शाळगडाच्या (Irshalgad) पायाथ्याशी असलेल्या इर्शाळवाडीवर (Irshalwadi Landslide) बुधवारी रात्री साडेदहाच्या सुमारास दरड कोसळून मोठी दुर्घटना घडली. या घटनेमध्ये आतापर्यंत १७ जणांचा मृत्यू झाला आहे. (Latest Marathi News)