जळगाव : अतिक्रमण काढण्यासाठी बंदोबस्ताला आलेल्या पोलीस निरीक्षक आणि त्यांच्या पथकावर २ अतिक्रमण धारकांनी हल्ला केल्याची घटना लोणी ता. जामनेर या ठिकाणी आज सकाळी १०.३० वाजेच्या सुमारास घडली आहे. यामध्ये २ जणांना ताब्यात घेण्यात आले आहे.

हे देखील पहा-

लोणी या ठिकाणी आरोग्य केंद्रासमोर अतिक्रमण काढत असताना बंदोबस्ताकरिता हे पोलीस पथक या ठिकाणी आले होते. ग्रामपंचायत कर्मचारी नोटीस वाचून दाखवत असतांना अतिक्रमण धारकांनी निरीक्षक अरुण धनवडे आणि पथकावर हल्ला चढविला आहे. इतर पोलिसांनी त्यांना आवरले. धनवडे यांना मुकामार देखील लागला आहे.

लोणी या ठिकाणी अतिक्रमण काढण्यासाठी आपल्यासह पोलीस पथक बंदोबस्ताकरीता या ठिकाणी आले होते. अतिक्रमण धारकांना समजून सांगत असतानाच त्यांनी माझ्यासह पथकावर हल्ला चढवून मारहाण करण्यात आली आहे. मुकामार देखील लागला आहे. अतिक्रमण धारकांना ताब्यात घेऊन पुढील कडक कारवाई करण्यात येत आहे. - अरूण धनवडे, पोलीस निरीक्षक, पहूर, ता.जामनेर.

Edited By- Digambar Jadhav