एकनाथ शिंदे यांच्या बंडानंतर शिवसेनेमध्ये फुट पडली. त्यानंतर शिंदे आणि ठाकरे यांच्यात वाद पेटला. आज उपमुख्यमंत्री एकनाथ शिंदे आणि आदित्य ठाकरे पहिल्यांदाच समोरासमोर आले... पण या भेटीत नेमकं काय घडलं? जाणून घ्या या विशेष रिपोर्टमध्ये...

- दोघं समोरासमोर आले आणि सुरु झाली टशन...

- मुंबईतल्या रस्त्यांबाबत आमदारांची ही बैठक

- एक उपमुख्यमंत्री आणि एक आमदार मध्ये दोन खुर्च्यांच अंतर...मात्र त्यांच्या देहबोलीत भरलीये टशन....

एवढंच नाही तर बैठकीत एकनाथ शिंदे बोलत असताना आदित्य ठाकरे शिंदेंकडे एकटक बघतच राहिले.. मात्र शिंदेंनी आदित्य ठाकरेंशी नजर भिडवणं टाळलंय.. आतापर्यंत एकमेकांसमोर न येता टीका करणारे ठाकरे आणि शिंदे आता समोरासमोर भिडत असल्याचं चित्र आहे..

खरंतर याआधीही विधीमंडळात मुख्यमंत्री फडणवीस आणि उद्धव ठाकरेंची भेट झाली होती. दरम्यान फडणवीसांच्या शेजारी असतानाही उद्धव ठाकरे आणि एकनाथ शिंदेंनी एकमेकांकडे पाहणं टाळलं होतं.. मात्र आता समोरासमोर आल्यानंतर आदित्य ठाकरेंनी एकनाथ शिंदेंकडे एकटक पाहिलं असलं तरी शिंदेंनी मात्र नजरानजर टाळलीय.. त्यामुळे महापालिका निवडणुकीपूर्वी ठाकरे-शिंदे वादाचा नवा अंक सुरु होणार हे आता स्पष्ट झालंय....