शिंदेसेनेच्या ऑपरेशन टायगरमुळे राज्यातील भाजपच्या गोटात काहीशी चलबिचल असल्याचं समजतंय. शिंदेंनी ठाकरेंचे 6 खासदार गळाला लावल्यामुळे एनडीएचं लोकसभेतील संख्याबळ वाढणार असून शिंदेसेनेच्या खासदारांची संख्या सातवरून 13 होणार आहे. यामुळे शिंदेसनेची बार्गेनिंग पॉवर वाढणार आहे. दिल्लीतील भाजप श्रेष्ठींच्या आशीर्वादानंच शिंदेंनी ठाकरेंचे खासदार गळाला लावल्याची चर्चा आहे. राज्यात आता शिंदेंची ताकद कशी वाढणार ते पाहूयात...

राज्यात शिंदेसेनेची पॉवर वाढणार?

(खासदारांची संख्या)

शिंदेसेना

7 + 6 = 13

काँग्रेस

13

भाजप

9

राष्ट्रवादी (SP)

8

ठाकरेसेना

9 - 6 = 3

राष्ट्रवादी (AP)

1

अपक्ष

1

ऑपरेशन टायगरमुळे उपमुख्यमंत्री एकनाथ शिंदे यांची ताकद वाढणार आहे. भविष्यात ते मुख्यमंत्री होतील, असा मोठा दावा शिंदेसेनेच्या आमदाराने केलाय. एकीकडे शिंदेसेनेच्या आमदारांनी शिंदे सीएम होतील अशी आशा आहे. तर दुसरीकडे भाजपच्या गोटात चलबिचल असल्याची सुत्रांची माहिती आहे. राज्यात सर्वाधिक खासदार झाल्यामुळे शिवसेनेची 'बार्गेनिंग पॉवर' साहजिकच वाढणार आहे. शिंदेंची राजकीय ताकद वाढल्याच्या पार्श्वभूमिवर भाजपचे ज्येष्ठ मंत्री गिरीश महाजन यांना प्रश्न विचारला असता त्यांनी आनंदच आहे अशी प्रतिक्रिया व्यक्त केलीय.

मतदारसंघ पुनर्रचना, महिला आरक्षण विधेयक नव्याने मांडून ते मंजूर करून घेण्यासाठी केंद्र सरकारला अधिकाधिक खासदारांच्या पाठिंब्याची गरज आहे. त्यामुळेच दिल्लीतील भाजप श्रेष्ठींच्या आशीर्वादानेच शिंदे यांनी ठाकरेंचे नऊपैकी सहा खासदार गळाला लावले. शिंदे या फुटीर खासदारांचे बळ भाजपच्या मागे उभे करणार आहे. त्यामुळे नजीकच्या काळात त्यांना या कामगिरीचं बक्षिस मिळण्याची चर्चा जोरात सुरू आहे. तळागाळातील लोकप्रियता आणि राजकीय ताकद वाढल्यामुळे भविष्यात शिंदे राज्यातल्या भाजपला ओव्हर टेक करुन पुढे जाणार का ? हे पाहणं महत्वाचं आहे.