नाशिक: 8 लाखांच्या लाच प्रकरणात मुख्य आरोपी म्हणून वैशाली वीर याचं नाव पुढे आले होते. सायंकाळी 6 वाजेनंतर महिला आरोपीला अटक करू नये, या कायद्यातील पळवाटेचा फायदा घेत त्या फरार झाल्या आहेत. जिल्हा परिषदेच्या शिक्षणाधिकारी पदावर आहेत.

दुपारी 3 वाजेपर्यंत न्यायालयाने त्यांना हजर राहण्याचे आदेश दिले होते. परंतू त्या आदेशांना न जुमानता वैशाली वीर गैरहजर होत्या. काल रात्री उशीरापर्यत चौकशी झाल्यानंतर शिक्षणाधिकारी वीर घरी गेल्या होत्या, तर 8 लाख रुपये लाच स्वीकारणाऱ्या वीर यांच्या ड्रायव्हर आणि शिक्षकाला 2 दिवसांची पोलीस कोठडील ठोठवण्यात आली होती.

वीर न्यायालयात हजर राहतील याची हमी घेतलेल्या नातेवाईकांवर कारवाई करणे अपेक्षित आहे. यासंबंधीची माहिती सरकारी वकील अजय मिसर यांनी दिली.