ई-सकाळने डिजिटल पत्रकारितेचा २५ वर्षांचा महत्वपूर्ण टप्पा पूर्ण केलाय. यासह भारतातील क्रमांक एकची मराठी डिजिटल वेबसाइट ठरलीय. ‘कॉमस्कोअर’च्या अहवालानुसार ‘ई-सकाळ’ देशात सर्वाधिक वाचले जाते. ई-सकाळ हे भारतात सर्वाधिक वाचले जाणारे मराठी न्यूज पोर्टल आहे. तंत्रज्ञान अन् नव्या माध्यमांचा योग्य वापर करत ई-सकाळनं यशाचं शिखर गाठलंय.

दर्जेदार मजकूर, निर्भीड-नि:पक्ष पत्रकारिता करणाऱ्या ई-सकाळ डॉट कॉमने प्रतिष्ठेच्या कॉमस्कोअर क्रमवारीत अव्वलस्थानी आहे. ई-सकाळ डॉट कॉम हे भारतातील सर्वाधिक वाचले जाणारी न्यूज वेबसाईट आहे. दरम्यान देशातील विविध डिजिटल न्यूज पोर्टल्सचे युझर्स आणि इतर तांत्रिक माहिती यासाठी कॉमस्कोअरचा रिपोर्ट विश्वासार्ह मानला जातो.डिजिटल पत्रकारिते ई-सकाळने प्रमुख मराठी डिजिटल माध्यमांमध्ये दमदार कामगिरी करत अव्वलस्थान गाठलंय.

अशी आहे आकडेवारी

लोकमत ११ मिलियन

लोकसत्ता ६.८ मिलियन,

टीव्ही९ मराठी ७.४ मिलियन

एबीपी माझा ७.२ मिलियन या संकेतस्थळांना मागे टाकत राज्यातील वाचकांच्या मनामध्ये जागा निर्माण करत. तर Comscoreच्या रिपोर्टनुसार ई-सकाळला १३.५ मिलियन युनिक युजर्स मिळाले आहेत.

तर डिजिटल माध्यमातील नव्या पर्वाची सुरुवात २६ जानेवारी २००० रोजी केली. त्याकाळी इंटरनेट नव्याने विकसित झाले होते. सकाळने दूरदृष्टी ठेवत ई-सकाळच्या माध्यमातून डिजिटल पत्रकारितेत पाऊल टाकले. Comscore हे डिजिटल मीडिया क्षेत्रातील एक मान्यताप्राप्त व्यासपीठ आहे. जे विविध डिजिटल न्यूज पोर्टल्सचे प्रदर्शन, युजर्सची गणना करते. Comscoreच्या ताज्या रिपोर्टनुसार, ई-सकाळ हे सर्वाधिक लोकप्रिय साईट बनलीय. वाचकांचा विश्वास प्राप्त केलाय.