सोलापूर : भारतरत्न डॉ. बाबासाहेब आंबेडकरांच्या (dr babashaeb ambedkar) १३१ व्या जयंती निमित्त सोलापुरात (solapur) आज दिवसभर एका रुपयात एक लीटर पेट्रोल (petrol) मिळतं आहे. इकीकडे दिवसेंदिवस महागाईने सामान्य जनतेला फटका सहन करावा लागतोय तर दुसरीकडे सोलापुरातील नागरिकांना स्वस्तात पेट्रोल देण्याचा उपक्रम आंबेडकरी अनुयायींना राबविला आहे. (dr babasaheb ambedkar jayanti latest marathi news)

हा उपक्रम राहुल सर्वगोड यांच्या माध्यमातून राबविण्यात आला असून आज दिवसभर नागरिकांना या योजनेचा लाभ घेता येईल असे सांगण्यात आले आहे. आज सकाळपासून जवळपास ५०० रुपये पेट्रोलचं वितरण या ठिकाणाहून केले जाणार आहे. या योजनेचा लाभ घेण्यासाठी सकाळ पासूनच पेट्रोल पंपावर तुंबळ गर्दी दिसून आली.

महागाईने सामान्य जनतेला फटका सहन करावा लागत आहे. नागरिकांना थोडासा दिलासा मिळावा यासाठी आम्ही डाॅ. बाबासाहेब आंबेडकर यांच्या जयंती (dr babasaheb ambedkar jayanti) निमित्त हा उपक्रम हाती घेतल्याचे आयाेजकांनी नमूद केले.

Edited By : Siddharth Latkar