शिरपूर (धुळे) : प्रतिबंधक कारवाई करुन अटक न करण्यासाठी दीड हजार रुपयांच्या लाचेची मागणी केली. ही लाच स्वीकारताना (Shirpur) शिरपूर पोलिस ठाण्यातील पोलिस नाईक लक्ष्मीकांत पंढरीनाथ टाकणे याला धुळे येथील लाचलुचपत प्रतिबंधक विभागाच्या (Dhule ACB) पथकाने बुधवारी (ता.22) दुपारी रंगेहाथ पकडले. (Live Marathi News)

शिरपूर शहरातील एका विरोधात शहर पोलिस ठाण्यात गुन्हा दाखल होता. गुन्ह्यावरुन प्रतिबंधक कारवाई करून अटक न करण्यासाठी टाकणे याने संबंधिताकडे दीड हजार रुपयांची (Bribe) मागणी केली. हे देण्याचे निश्चित झाले होते. मात्र संबंधिताने त्याबाबत धुळे येथील लाचलुचपत प्रतिबंधक विभागाला माहिती कळविली. तक्रारीची खातरजमा केल्यानंतर अधिकाऱ्यांनी सापळा रचला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान पोलीस नाईक लक्ष्मीकांत टाकणे यास दीड हजार रुपयांची लाच स्वीकारताना रंगेहाथ पकडण्यात आले. लाचलुचपत प्रतिबंधक विभागाचे उपविभागीय पोलिस अधिकारी अभिषेक पाटील यांच्या मार्गदर्शनाखाली निरीक्षक रूपाली खांडवी, हवालदार राजन कदम, मुकेश अहिरे, संतोष पावरा, मकरंद पाटील, प्रवीण मोरे, प्रवीण पाटील, सुधीर मोरे, जगदीश बडगुजर यांनी ही कारवाई केली.