धुळे : रस्त्याने पायी चालणाऱ्या महिलेच्या गळ्यातील मंगल पोत हिसकावून चोरट्याने पोबारा केला होता. दरम्यान पोलिसांनी तपास करत पश्चिम देवपूर पोलिसांनी चोरट्याला ताब्यात घेतले आहे. त्याने चोरलेली तीन तोळ्याची मंगल पोत पोलिसांनी हस्तगत केली आहे. 

धुळे (Dhule) शहरातील पश्चिम देवपूर पोलीस ठाण्याच्या हद्दीमध्ये असलेल्या अनमोलनगर येथील महिलेची चोरट्याने मंगल पोत गळ्यातून तोडून त्या ठिकाणाहून पोबारा केल्याची घटना रविवारी संध्याकाळी उघडकीस आलेली होती. या संदर्भात सदर महिलेने पश्चिम देवपूर पोलीस ठाण्यात यासंदर्भातील तक्रार दिली होती. त्यानुसार पश्चिम देवपूर पोलिसांनी (Dhule Police) परिसरात असलेल्या सीसीटीव्ही कॅमेराच्या आधारे व गुप्त माहिती दारा मार्फत माहिती मिळवली. 

नकाने रोडवरील छत्रपती हॉस्पिटलजवळ पांझरा नदीकिनारी चोरटा हा उभा असल्याची माहिती पोलिसांना मिळाली होती. माहितीच्या आधारे पोलिसांनी तात्काळ संबंधित ठिकाणी धाव घेतली. त्या ठिकाणी एक संशयित त्यांना आढळून आला. पोलिसांनी त्याला हटकले असता त्याने त्या ठिकाणाहून पळ काढण्याचा प्रयत्न केला. मात्र पोलिसांनी शिताफीने या चोरट्याच्या मुसक्या आवळ्याला असून त्याच्याकडून चोरलेली तीन तोळे सोन्याची मंगल पोत पोलिसांनी हस्तगत केली आहे.