धुळे : प्रजासत्‍ताक दिन सर्वत्र साजरा होत असताना एसटी कर्मचारी मात्र संपावर आहेत. शासन तोडगा काढत नसल्‍याने प्रजासत्ताक दिनाच्या दिवशी आंदोलक एसटी कर्मचाऱ्यांनी भीक मागो आंदोलन करून राज्य शासनाचा व एसटी प्रशासनाचा (MSRTC) निषेध केला. (dhule news st strike Bowls in the hands of ST employees Protest against begging from passengers)

राज्य शासनामध्ये एसटी महामंडळाचे विलगीकरण करण्यात यावे; या मागणीसाठी गेल्या दोन ते अडीच महिन्यांपासून धुळ्यातील आंदोलक एसटी कर्मचारी आंदोलनावर (St Strike) ठाम आहेत. त्याचबरोबर एसटी प्रशासनातर्फे या आंदोलक एसटी कर्मचाऱ्यांवर कारवाईचा बडगा देखील उगारला जात आहे. अशा परिस्थितीमध्ये या आंदोलक एसटी कर्मचाऱ्यांवर (St Employee) भीक मागण्याची वेळ ओढवली आहे.

हातात कटोरे घेऊन प्रवाशांकडून भीक

राज्य शासनाचा व एसटी प्रशासनाचा निषेध करण्यासाठी धुळ्यातील आंदोलक एसटी कर्मचाऱ्यांनी धुळे एसटी आगारामध्ये हातात कटोरे घेऊन प्रवाशांकडून भीक मागून भीक मागो आंदोलन केले आहे. प्रजासत्ताक दिनाच्या (Republic Day) दिवशी या अनोख्या पद्धतीने राज्य शासनाचा तसेच एसटी प्रशासनाचा या आंदोलक एसटी कर्मचाऱ्यांनी निषेध केला आहे. प्रवाशांनी देखील या आंदोलक एसटी कर्मचाऱ्यांच्या कटोऱ्यात भिक टाकून या आंदोलनात एसटी कर्मचाऱ्यांना प्रतिसाद दिला आहे.