धुळे : काँग्रेस पक्षाचे नेते राहुल गांधी (Rahul Gandhi) यांनी पंतप्रधान नरेंद्र मोदी यांना अपमानकारक शब्द वापरताना (Dhule News) तेली समाजाचा देखील उच्चार केला. यामुळे तेली समाजाचा अपमान करण्यात आल्याचा आरोप तेली समाज संघटनेतर्फे करण्यात आला असून या विरोधात राहुल गांधी यांच्या पुतळ्याची प्रतीकात्मक प्रतिकृती घेऊन निषेध आंदोलन केले. (Latest Marathi News)

तेली समाज बांधवांनी धुळे महानगरपालिका समोर असलेल्या गुरु शिष्य स्मारकाजवळ राहुल गांधी यांच्या पुतळ्यास जोडे मारून निषेध आंदोलन केले आहे. यावेळी तेली समाज संघटनेचे पदाधिकारी व कार्यकर्ते यावेळी मोठ्या प्रमाणात आक्रमक झाल्याचे बघावयास मिळाले असून, यावेळी राहुल गांधी यांच्या विरोधात तीव्र घोषणाबाजी करून निषेध व्यक्त करण्यात आला. यावेळी मोठ्या संख्येने तेली समाज संघटनेचे पदाधिकारी व कार्यकर्ते उपस्थित असल्याचे बघावयास मिळाले आहे.