धुळे : शासनाच्या वतीने गर्भवती महिलांसाठी पोषण आहार योजना राबविण्यात येत आहे. यासाठी पोषण आहाराची पाकिटचा पुरवठा केला जात असतो. दरम्यान या पोषण आहाराची रिकामे पाकीट धुळे शहरातुन गेलेल्या पांझरा नदीच्या पात्रात आढळून आली आहेत. इतक्या मोठ्या प्रमाणात हे पाकीट कुठून आली असावीत असा प्रश्न उपस्थित केला जात आहे. 

प्रशासनातर्फे गर्भवती महिलांना पोषण आहार (Poshan Aahar) योजना राबविली जाते. ही योजना राबविण्यासाठी राज्य सरकारतर्फे मोठा निधी देखील खर्च केला जातो. परंतु यात बऱ्याचदा घोटाळे किंवा निकृष्ट आहार पुरवठा असे प्रकार वारंवार समोर येत आले आहेत. दरम्यान गर्भवती महिलांसाठी पुरवठा करण्यात आलेल्या पोषण आहाराची पाकिटे अशाप्रकारे पांझरा नदीपात्रामध्ये (Panjhara River) एकत्रित एवढ्या मोठ्या प्रमाणात रिकामी पाकीट आढळून आल्यामुळे ही पोषण आहाराची पाकीट प्रशासनाच्या कामचूकार कार्यप्रणालीचाच तर भाग नाही ना? असा प्रश्न या निमित्ताने उपस्थित होत आहे.

पाकीट आली कोठून याचा शोध 

पोषण आहारासाठी शासनातर्फे दिली जाणारी पोषण आहाराची रिकामी पाकीट (Dhule) धुळ्यातील पांझरा नदी पत्रात आढळून आली आहेत. पांझरा नदीपात्रामध्ये एवढ्या मोठ्या प्रमाणात ही रिकामी पाकीट आली कुठून आणि ही पाकीट कोणी टाकली? हा मोठा प्रश्न उपस्थित होत असून, एवढ्या मोठ्या प्रमाणात एकत्रित ही पोषण आहाराची रिकामी पाकीट आढळून आल्यामुळे एकच खळबळ उडाली आहे.