धुळे : धुळे शहरात लव जिहाद व धर्मांतर विरोधी कायद्याच्या मागणीसाठी हिंदू जन आक्रोश मोर्चाचे आयोजन आले होते. परंतु या मोर्चासाठी (Police) पोलीस प्रशासनाची परवानगी घेण्यात आली नसल्यामुळे आयोजकांवर धुळे (Dhule) शहर पोलीस ठाण्यामध्ये गुन्हा दाखल करण्यात आला आहे. (Live Marathi News)

देशासह राज्यात लव्ह जिहाद (Love Jihad) आणि धर्मांतरणविरोधी कायदा लागू करण्यात यावा. तसेच गोवंशहत्याबंदी कायद्याची कठोर अंमलबजावणी करावी या प्रमुख मागणीसाठी शहरात श्री शिवप्रतिष्ठान हिंदुस्तानतर्फे रविवारी (१८ डिसेंबर) विराट हिंदू जनआक्रोश मोर्चा काढण्यात आला. शहर व जिल्ह्यातील ग्रामीण भागातील मार्चेकरी हजारोंच्या संख्येने सहभागी झाले. यात महिला, तरुण व तरुणींचा लक्षणीय सहभाग होता.

बिना परवानगी मोर्चा काढल्याबद्दल हा गुन्हा धुळे शहर पोलीस ठाण्यामध्ये दाखल करण्यात आला आहे. लव जिहाद त्याचबरोबर धर्मांतर विरोधी कायदा करण्यात यावा; या मागनीसाठी या मोर्चामध्ये विविध हिंदू संघटनांचे कार्यकर्ते व पदाधिकारी सहभागी झाले होते.