धुळे : धुळ्यात रात्री साडेनऊ ते दहा वाजेच्या (Dhule News) दरम्यान मद्यपी टँकर चालकाचा हिट अँड रनचा थरार बघावयास मिळाला. कार, रिक्षा तसेच दुचाकींना धडक (Accident) दिली. तसेच दोन जणांना देखील उडवले आहे. (Maharashtra News)

गुजरातकडे जाणाऱ्या टँकर चालकाने अचानक धुळे शहरातील संतोषी माता मंदिर परिसरापासून फाशीफुल परिसरापर्यंत रस्त्यात उभ्या असलेल्या चार चाकी त्याचबरोबर रीक्षा व दुचाकीला चिरडत दोन जणांना देखील उडवले. दारूच्या नशेत हा सर्व प्रकार टँकर चालकाने केला असल्याचे उघडकीस आले आहे. यामध्ये दोन जण गंभीररित्या जखमी झाले असून त्यांना तात्काळ शासकीय रुग्णालयामध्ये उपचारासाठी दाखल करण्यात आले आहे. तर त्यापैकी एकाची प्रकृती चिंताजनक असल्याची देखील माहिती पोलीस (Dhule Police) प्रशासनातर्फे देण्यात आली आहे.

घटनेची माहिती मिळताच पोलिसांनी तात्काळ घटनास्थळी धाव घेत मद्यपी टँकर चालकाला ताब्‍यात घेतले आहे. धुळे शहर पोलीस ठाण्यामध्ये या संदर्भात टँकर चालकाच्या विरोधात गुन्हा दाखल करण्यात आला आहे. या घटनेनंतर शहरात विविध अफवा पसरू लागल्याने कुठल्याही अफवांवर विश्वास न ठेवण्याचे आवाहन पोलीस प्रशासनातर्फे नागरिकांना करण्यात आले आहे.