धुळे : रेल्वे उड्डाण पुलाचे काम मागील तब्बल तीन वर्षांपासून सुरु आहे. सादर उड्डाणपुलाचे काम धीम्या गतीने सुरू (Dhule News) असल्यामुळे नागरिकांना होणाऱ्या त्रासाबद्दल संतप्त नागरिकांनी आज रास्ता रोको केला आहे. (Breaking Marathi News)

शिंदखेडा तालुक्यातील बाम्हणे रस्त्यावरील रेल्वे गेटवरून उड्डाण पुल केला जात आहे. या उड्डाणपुलाचे काम गेल्या तीन वर्षांपासून अत्यंत धीम्या गतीने काम सुरू (Shindkheda) आहे. नागरिकांना दर १५ ते २० मिनिटानंतर फाटक रेल्वे प्रशासनातर्फे बंद करण्यात येत असल्यामुळे मोठ्या अडचणींचा सामना करावा लागत आहे. दर पंधरा ते वीस मिनिटांनंतर तब्बल अर्धा अर्धा तास वाहन घेऊन ताटकळत उभे राहावे लागते. नागरिकांना याचा मोठा त्रास सहन करावा लागत आहे. 

तर रेल रोको 

उड्डाणपुलाचे धीम्या गतीने सुरू असलेले काम लवकरात लवकर मार्गी लावावे, अन्यथा १५ ऑगस्ट या स्वातंत्र्यदिनी प्रशासनाच्या विरोधामध्ये रेल रोको आंदोलन करण्याचा इशारा ठाकरेगट शिवसेनेसह महाविकास आघाडीच्या पदाधिकारी व कार्यकर्त्यांनी रास्ता रोकोच्या दरम्यान दिला आहे. या संदर्भात शिंदखेडा अपर तहसील अधिकाऱ्यांना याबाबतचे निवेदन देखील देण्यात आले आहे.