धुळे : शिरपुर तालुक्यात धुळे एलसीबीने पोलिसांच्या मदतीने गांजा शेती उद्धस्त केली आहे. या संदर्भात शिरपूर (Shirpur) तालुका पोलीस ठाण्यात गुन्हा दाखल करण्यात आला असून फरार आरोपीचा तपास देखील शिरपूर तालुका पोलिसांतर्फे (Shirpur Police) करण्यात येत आहे. (Letest Marathi News)

स्थानिक गुन्हे अन्वेषण विभागाच्या अधिकाऱ्यांना शिरपूर तालुक्यातील लाकड्या हनुमान शिवारात इतर पिकाच्या आडून गांज्याची शेती केली जात असल्याची गोपनीय माहिती मिळाली होती. त्यानुसार पथकाने शिरपूर तालुका पोलिसांना सोबत घेत तालुक्यातील लाकड्या हनुमान शिवारात छापा टाकला. पोलिसांना पाहून संशयीताने शेतातून पळ काढला.

७ लाखाचा गांजा

पथकाने शेताची पाहणी केली असता शेतात ३ ते ५ फूट उंच वाढलेली गांज्याची झाडे आढळून आली आहेत. पोलीस पथकाने ७ लाख ८ हजार ६० रुपये किंमतीचे जवळपास २३६ किलो २० ग्रॅम वजनाची गांज्याची झाडे जप्त केली आहेत.