धुळे : विदेशातून भारत नागरीक येत आहेत. त्‍यांची तपासणी केली जात आहे. यात लंडनहून (London) धुळ्यात परतलेल्या महिला डॉक्‍टरचा कोरोना अहवाल पॉझिटिव्ह आल्यामुळे धुळे (Dhule) आरोग्य यंत्रणेच्या चिंतेत वाढ झाली आहे. यंत्रणेकडून ओमायक्रॉनच्‍या अनुषंगाने तपासणी केली जात आहे. (dhule-news-Corona-Positive-a-female-doctor-from-London-Omycron-test-dhule-health-department)

धुळ्यात लंडनहून परतलेल्या महिलेचा कोरोना तपासणीचा अहवाल पॉझिटिव्ह आला आहे. यामुळे धुळे आरोग्य यंत्रणेच्या चिंतेत वाढ झाली आहे. लंडनहून परतलेली ३८ वर्षीय महिला डॉक्टर आहे. त्यांचे सात दिवसांपूर्वीचे कोरोना तपासणीचे अहवाल निगेटिव्ह आले आहेत. ही महिला लंडनहून धुळ्यात २९ नोव्हेंबरला परतली आहे. त्यांना येऊन १४ दिवस उलटल्यानंतर त्यांनी खाजगी लॅबमध्ये त्यांची कोरोना तपासणी केली असता काल रात्री उशिरा त्यांचे रिपोर्ट पॉझिटिव्ह आले आहेत.

ओमायक्रॉनची तपासणी

आरोग्य यंत्रणेकडून यांच्याशी संपर्क साधून त्यांचे ओमायक्रॉनच्या तपासणीसाठीचे नमुने घेण्यात येत आहेत. लवकरच ओमायक्रोनच्या पार्श्वभूमीवर पुढील चाचणी केली जाणार आहे. सध्या त्या महिलेला राहत्या घरातच होमक्‍वारंटाईन करण्यात आल आहे.