धुळे : शिरपूर तालुक्यातील चिलारे गावातील टिटवापाणी परिसरात एकाने आपल्या (Cotton) कपाशीच्या पिकाआड गांज्याची शेती केली होती. शिरपूर (Shirpur) तालुका पोलिसांनी ही गांज्याची शेती उध्वस्त केली असून शेती करणाऱ्या संशयिताच्या देखील मुसक्या आवळल्या आहेत. (Maharashtra News)

कपाशीच्‍या शेतात गांजा लागवड (Dhule News) केल्याबाबतची माहिती गुप्त माहितीगारा मार्फत मिळाली होती. या माहितीच्या आधारे शिरपूर तालुका पोलिसांनी (Police) संबंधित ठिकाणी छापा टाकला असता पोलिसांना मोठ्या प्रमाणात गांज्याची झाडे व सुकण्यासाठी तोडून ठेवलेला गांज्याचा पाला आढळून आला आहे.

६३ किलो गांजा जप्‍त

सुकण्यासाठी ठेवलेला 26 किलो 800 ग्राम गांजा, त्याचबरोबर गांज्याची झाडे असा एकूण जवळपास 63 किलो गांज्या पोलिसांनी जप्त केला आहे. ज्याची बाजारामध्ये दोन लाखांहून अधिकची किंमत मानली जात आहे. शिरपूर तालुका पोलिसांनी गांज्याची शेती उध्वस्त केल्यामुळे गांज्या उत्पादक शेतकऱ्यांचे धाबे चांगलेच दणाणले आहेत.