धुळे : चिपलीपाडा मेणबत्ती कारखाना स्फोट प्रकरणात पोलीस (Police) प्रशासनातर्फे तपासाला गती देण्यात आली आहे. या प्रकरणात चार आरोपींपैकी तीन आरोपींच्या मूसक्या आवळल्या आहेत. यानंतर (Dhule News) आणखी एका फरार आरोपीच्या शोध सुरू आहे. (Tajya Batmya)

मेणबत्ती कारखाना स्फोटाच्‍या घटनेच्या मुळापर्यंत जाऊन योग्य तपास करण्यासाठी पोलीस अधीक्षक संजय बारकुंड यांनी पाच समित्या गठित केल्‍या आहेत. योग्य तपास होण्यासंदर्भात संबंधित अधिकाऱ्यांना आदेशित केले आहे. फरार असलेला चौथा आरोपी देखील लवकरात लवकर पोलिसांच्या जाळ्यात असेल असा विश्वास पोलीस अधीक्षकांनी व्‍यक्‍त केला आहे.

पथक सोलापूरकडे रवाना

या दुर्घटनेत मृत्युमुखी पडलेल्या पाच महिलांच्या कुटुंबीयांना न्याय मिळवून देण्यासाठी पाच समितीच्या माध्यमातून या दुर्घटनेचा पुढील तपास होणार आहे. यासाठी पोलिसांनी तयार केलेले पथक उस्मानाबाद व सोलापूरकडे धुळे पोलीस पथक रवाना झाले आहे.