धुळे : नवचैत्यन्याचा उत्सव असलेल्या दीपोत्सवात लक्ष्मीपूजनाला दिवसाला फार महत्व असते. या दिवशी (Dhule) घरी, उद्योग, दुकानात पूजन केले जात असते. त्यानुसार राज्य परिवहन महामंडळाला (MSRTC) उत्पन्न मिळवून देणाऱ्या लालपरीचे औक्षण करण्यात आले. धुळे विभागाच्या अधिकाऱ्यांनी आज सकाळी हे पूजन केले. (Maharashtra News)

लक्ष्मीपूजन दिनाचे औचित्य साधत आज सर्वत्र लक्ष्मीचे पूजन करण्यात येत आहे. राज्य परिवहन महामंडळाच्या धुळे विभागात आज बसचे पूजन करून लक्ष्मीपूजन साजरे करण्यात आले आहे. लालपरी हीच आमची लक्ष्मी असं म्हणत एसटी परिवहन विभागाच्या अधिकाऱ्यांनी आज धुळे एसटी आगारात बसचे पूजन करून लक्ष्मीपूजन साजरे केले. यावेळी धुळे एसटी परिवहन विभागाचे (St Bus) अधिकारी लक्ष्मीपूजनाच्या निमित्ताने बस ओवाळण्यासाठी उपस्थित असल्याचे बघावयास मिळाले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

लालपरीनेच प्रवास करण्याचे आवाहन 

एसटी हीच आमची खरी लक्ष्मी असे म्हणत प्रवाशांनी सुखरूप आणि सुरक्षित प्रवास करण्यासाठी लालपरीनेच प्रवास करावा; असे आवाहन देखील यावेळी एसटी परिवहन विभागाच्या वतीने प्रवाशांना करण्यात आले आहे.