शिरपूर (धुळे) : घरातून बाहेर जाण्यास नकार दिल्याच्या कारणावरून विवाहितेच्या अंगावर रॉकेल टाकून पेटवून दिल्याची घटना थाळनेर (ता. शिरपूर) येथे घडली. विवाहितेने प्रसंगावधान राखून आग विझविल्याने ती बचावली. तिच्या फिर्यादीवरून थाळनेर पोलिस (Police) ठाण्यात गुन्हा दाखल झाला आहे. (dhule news Attempting to ignite by throwing kerosene on the body)

खंडेरावपाडा (थाळनेर) येथील कविता दीपक जमादार (वय २७) असे विवाहितेचे नाव आहे. तिचा विवाह दीपक कमलसिंह जमादार याच्याशी झाला आहे. २ मार्च सकाळी दहाला तिचा जेठ दिनेश कमलसिंह जमादार याने त्याची आई ऊर्मिला जमादार हिला फोन करून ‘कविताला घरातून हाकलून दे,’ असे सांगितले. कविताशी फोनवर बोलताना त्याने (Crime News) शिवीगाळ केली. तिने घराबाहेर पडण्यास नकार दिल्याने संतापलेला पती दीपक व सासू ऊर्मिला यांनी तिला मारहाण केली. दीपकने तिचा गळा दाबला.

सासूने टाकले रॉकेल

‘ही घराबाहेर जात नाही, तर तिला कायमचे संपवू,’ असे सांगत ऊर्मिला जमादार हिने घरातून दिवा आणून त्यातील रॉकेल कविताच्या अंगावर ओतले. दीपकला चिथावणी देऊन पेटविण्यास सांगितले. त्याने काडी ओढून कविताला पेटवून दिले. मात्र, तिने वेळीच आग विझविली. तिच्या फिर्यादीवरून संशयित दीपक जमादार, ऊर्मिला जमादार (दोघे रा. थाळनेर) व दिनेश जमादार (रा. शिरपूर) (Shirpur) यांच्याविरोधात थाळनेर पोलिसांनी खुनाचा प्रयत्न केल्याच्या संशयावरून गुन्हा दाखल केला. संशयित दीपकला पोलिसांनी ताब्यात घेतले आहे.