धुळे : कर्नाटक विजयाचे फटाके धुळ्यात विविध ठिकाणी फुटताना बघायला मिळाले आहेत. कर्नाटक (Karnataka) येथे काँग्रेसला मिळालेल्या घवघवीत यशानंतर शिंदखेडा (Shindkheda) तालुक्यातील बाभळे फाटा या ठिकाणी देखील काँग्रेसच्या (Congress) पदाधिकारी व कार्यकर्त्यांनी मोठ्या प्रमाणात फटाके फोडून त्याचबरोबर एकमेकांना पेढे भरवत काँग्रेसच्या विजयाचा जल्लोष साजरा केला आहे. (Tajya Batmya)

कर्नाटक राज्‍यात झालेल्‍या निवडणूकीचा निकाल शनिवारी जाहीर झाला. यात राज्‍यात सत्‍तांतर होवून कॉंग्रेसने विजय मिळविला. भाजपला येथे पराभव स्‍वीकारावा लागला आहे. या विजयानंतर देशभरात कॉंग्रेसकडून जल्‍लोष करत आनंदोत्‍सव साजरा केला. त्‍यानुसार धुळ्यात (Dhule) देखील कॉंग्रेस पदाधिकारींनी जल्‍लोष केला.

भाजपला असाच धोबीपछाड देवू

काँग्रेसच्या समर्थनार्थ काँग्रेसच्या कार्यकर्ते व पदाधिकाऱ्यांनी मोठ्या प्रमाणात घोषणाबाजी देखील केल्याचे बघायला मिळाले आहे. यावेळी आगामी निवडणुकांमध्ये अशाच प्रकारे भाजपला काँग्रेसतर्फे धोबीपछाड देण्यात येईल; असा विश्वास देखील काँग्रेसच्या जल्लोषकर्त्या कार्यकर्त्यांनी व्यक्त केला आहे.