धुळे : गेल्या काही महिन्यांपूर्वी धुळे तालुका पोलिसांनी केलेल्या अवैध दारू वाहतुक कारवाई दरम्यान फरार (Dhule) आरोपीच्या पोलिसांनी मुसक्‍या आवळल्‍या आहेत. धुळे तालुका पोलिसांनी मोठ्या शिताफीने परभणी (Parbhani) आरोपीला पकडले आहे. (Live Marathi News)

धुळे तालुका पोलीस ठाण्याच्या अंतर्गत गेल्या काही महिन्यांपूर्वी अवैध दारूविरोधी कारवाई करण्यात आली होती. या कारवाई दरम्यान जवळपास दहा आरोपी निष्पन्न झाले होते. यानंतर नऊ आरोपींचा धुळे तालुका पोलिसांनी (Dhule Police) तपास करीत त्यांच्यावर गुन्हे दाखल केले होते. परंतु यातील मुख्य आरोपी फरार होण्यात यशस्वी झाला होता. तो वेगवेगळ्या राज्यांमध्ये आपल्या मोबाईलचे सिम व मोबाईल वेळोवेळी बदलून पोलिसांना चकवा देत होता.

खात्रीलायक माहितीवरून रचला सापळा

दोन दिवसांपूर्वी सदर आरोपी हा परभणी येथे असल्याची खात्रीलायक सूत्रांकडून माहिती मिळाल्यानंतर धुळे तालुका पोलिसांनी परभणी येथून या आरोपीच्या मुसक्या आवळल्या आहेत. या आरोपीला धुळे तालुका पोलीस (Police) ठाण्यात आणून त्यावर पुढील कारवाई करण्यात येत आहे. आरोपी विरोधामध्ये विविध जिल्ह्यांमध्ये विविध गंभीर गुन्हे दाखल असल्याची देखील माहिती असून इतर गुन्ह्यांमध्ये देखील हा आरोपी फरार असल्याचे उघडकीस आल्याने या संदर्भातील संपूर्ण तपास धुळे तालुका पोलीस करीत आहेत.