शिरपूर (धुळे) : मुंबई- आग्रा राष्ट्रीय महामार्गावर थरारक घटना घडली. सुसाट कार गाड्या उडवत गेली अन पलटी झाली. त्या कारवर ट्रक चढला व मागुन आठ ते दहा वाहने एकमेकांवर धडकले. या भीषण अपघातात तीन जण ठार झाले. (dhule-news-accident-news-mumbai-aagra-highway-bijasan-ghat-car-truck-accident)

सदर अपघात बुधवारी (ता. 27) रात्री साडेआठच्या सुमारास धुळे जिल्ह्यातील बिजासनी घाट ते पळासनेरदरम्यान भिलटदेवजवळ घडला. अपघातात तीन ते चार जण गंभीर जखमी झाले.

कारमधील तिघे ठार

सदर अपघातात कार पूर्णतः चेपली गेली. कारमधील तीन जण ठार झाले असून एक गंभीर जखमी आहे. मृत व जखमी पुरुष आहेत. कारच्या नंबर प्लेटचा भुगा झाल्याने कार व प्रवाशांविषयी माहिती अद्याप मिळू शकलेली नाही.

सुसाट कारमुळे अपघात

मध्यप्रदेशाकडून धुळ्याकडे येणाऱ्या बॅलेनो कार प्रचंड वेगाने एकेका वाहनाला ओव्हरटेक करीत पुढे शिरली . यात ताबा सुटल्याने कार पलटी झाली आणि हा अपघात झाल्याची प्राथमिक माहिती आहे. सांगवी पोलिस ठाण्याचे सहायक निरीक्षक सुरेश शिरसाट व सहकाऱ्यांनी घटनास्थळी धाव घेतली. अपघातामुळे महामार्गावर एका बाजूची वाहतूक खंडित झाली असून ती दुसऱ्या बाजूने वळवण्यात आली आहे.