Dhule :

धुळे जिल्ह्यात शिरपूर (shirpur) तालुक्यात आज (शनिवार) एका अंगणवाडीतील (anganwadi) सुमारे सात विद्यार्थ्यांना (students) खिचडीतून विषबाधा झाल्याची घटना समाेर आली आहे. या सर्व विद्यार्थ्यांना उपचारार्थ रुग्णालयात (hospital) दाखल करण्यात आले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्राप्त माहितीनूूसार आज शिरपूर तालुक्यातील तोंदे येथील अंगणवाडीच्या विद्यार्थ्यांना नेहमीप्रमाणे खिचडीचे वाटप करण्यात आले. त्यानंतर 6 ते 7 विद्यार्थ्यांना त्रास जाणवू लागला. खिचडीतून विषबाधा झाल्याचा संशय आल्याने विद्यार्थ्यांना तात्काळ रुग्णालयात नेण्यात आले. (Maharashtra News)

या घटनेतील 3 विद्यार्थ्यांची प्रकृती चिंताजनक झाली. त्यांना शिरपूर उपजिल्हा रुग्णालयात उपचारासाठी दाखल करण्यात आले आहे. अन्य विद्यार्थ्यांवर खाजगी दवाखान्यात उपचार सुरू असल्याची माहिती ग्रामस्थांकडून मिळाली. दरम्यान या प्रकाराची चाैकशी करुन दाेषींवर कारवाई करण्याची मागणी पोषण आहार समिती अध्यक्ष जितेंद्र पाटील यांनी केली आहे.

Edited By : Siddharth Latkar