धुळे : धुळ्यातील शिवाजीनगर परिसरात वास्तव्यास असलेल्या पेन्शनधारक महिला ही बँकेमध्ये ठेवण्यासाठी (Dhule) रोख रक्कम घेऊन जात होत्या. या दरम्यान रस्त्यावरच चोरट्यांनी महिलेजवळ असलेल्या पिशवीत ठेवलेली तीन लाख रुपयांची रोकड घेऊन चोरटे पसार झाले. यामुळे परिसरात खळबळ उडाली आहे. 

धुळे शहरातील शिवाजीनगर परिसरातील द्रौपदाबाई बापूराव पाचोरे या कापडी पिशवीत तीन लाख रुपये घेऊन रिक्षाने एसबीआय (SBI) मध्ये गेल्या होत्या. त्यांनी फिक्स डिपॉझिट ठेवलेले चार लाख रुपये खात्यातून काढून घरून आणलेले तीन लाख व स्टेट बँकेतून काढलेले चार लाख असे एकूण (Crime News) सात लाख रुपये कापडी पिशवीत ठेवले. तेथून सात लाखांची पिशवी डाव्या खांद्याला अडकून हस्ती बँकेत फिक्स डिपॉझिट ठेवण्यासाठी जात होते.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान बँकेतुन बाहेर निघाल्यानंतर गेटजवळ पोहचताच अज्ञात चोरट्यांनी शस्त्राच्या सहाय्याने पिशवी कापून पिशवीत ठेवलेली रक्कम चोरली. पिशवी कापलेली महिलेच्या लक्षात अली. पिशवीतील सात लाखांपैकी पाचशे रुपयांचे नोटांचे सहा बंडल असे तीन लाख चोरीस गेल्याचे लक्षात आले. बँक परिसरात वृद्ध महिलेने रिक्षा चालकाच्या मदतीने शोध घेतला. मात्र काहीच मिळून आले नाही. तीन लाख रुपये अज्ञात चोरट्यांनी लंपास केल्याचे लक्षात आल्याने द्रौपताबाई पाचोरे यांनी पोलिसात तक्रार दिली.