धुळे : धुळे शहरातील रामदेव बाबानगर या ठिकाणी राहणाऱ्या जयस्वाल कुटुंबाच्या घरातून चोरट्यांनी घरी कोणीही नसल्याची संधी साधत कडी कोंडा तोडून चोरी केली. यात चोरट्यानी जवळपास २० हजारांची रोख रकमेसह व सोन्या चांदीचे दागिने लंपास केले आहेत. 

धुळे (Dhule) शहरातील रामदेव बाबानगर परिसरात वास्तव्यास असलेल्या जयस्वाल कुटुंबीय हे नातेवाईकांच्या घरी मुक्कामी गेले होते. यामुळे त्यांचे घर बंद होते. घराला कुलूप असल्याचे चोरट्यांच्या लक्षात आल्यानंतर चोरट्यांनी घरात कोणीही नसल्याची संधी साधली. कुलूप तोडून घरात प्रवेश करत घरातील जवळपास २० हजार रुपयांची रोकड व सोन्या चांदीचे विविध दागिने चोरून पोबारा केला आहे. हा प्रकार (Crime News) परिसरातील नागरिकांच्या लक्षात आल्यानंतर याबाबत कुटुंबियांना माहिती दिली. 

घरात चोरी (Theft) झाल्याची माहिती मिळाल्यानंतर जयस्वाल कुटुंबीय लागलीच घरी पोहचले. त्यांनी पाहणी केल्यानंतर दागिने चोरीला गेल्याचे लक्षात आले. यानंतर चोरी संदर्भातील संबंधित पोलिसांना माहिती दिली. त्यानंतर आता पोलीस प्रशासनातर्फे या चोरट्यांचा शोध घेण्याचे काम सुरू असून पुढील तपास पोलीस करीत आहेत.