पिंपळनेर (धुळे) : बसरावळ (ता.साक्री) येथे बापाने रागाच्या भरात २८ वर्षीय मुलाचा लाकडी थापीने (Crime News) खून केला. संशयित बाप रामा कुवर यास पोलिसांनी ताब्यात घेतले आहे. (Tajya Batmya)

बसरावळ (ता.साक्री) शिवारात निमा रामा कुवर यांच्या शेतातील राहते घराचे अंगणात सोमवारी (ता.२४) रात्री साडेआठ ते नऊ वाजेच्या दरम्यान मुलगा ईलमजी रामा कुवर (वय २८) हा नेहमी प्रमाणे दारू पिऊन वडील रामा धुळ्या कुवर (Dhule News) यांना तो नेहमी प्रमाणे तुम्ही माझ्यासाठी काय कमवून ठेवले आहे. तुम्ही मला काय दिले, असे म्हणून शिवीगाळ करून जीवे मारण्याची धमकी देत होता.

आईने दिली फिर्याद

या कारणावरून वडील रामा कुवर यांनी मुलगा ईलमजी यास जवळच पडलेल्या लाकडी थापीने (धुपाटणे) दोन्ही हातांवर, डाव्‍या डोळ्यावर, डाव्या कानावर, डोक्यावर मारहाण केली. यात त्यास गंभीर दुखापत होऊन त्याचा मृत्यू झाला. आई निमा कुवर यांच्या फिर्यादीवरून रामा धुळ्या कुवर यांना पिंपळनेर पोलिसांनी तपासासाठी ताब्यात घेतले. सहाय्यक पोलिस निरीक्षक सचिन साळुंखे हे तपास करीत आहेत.