धुळे : महापालिकेच्या सत्तेत आल्यानंतर भाजपने अनेक आश्वासन दिले. परंतु कार्यकाळ संपत आला तरी (Dhule) धुळे महापालिकेवर सत्ता असलेल्या सत्ताधाऱ्यांनी धुळ्याकरांना दिलेल्या आश्वासनांची पूर्तता (BJP) केली नाही. असे म्हणत ठाकरे गटाच्या शिवसैनिकांनी धुळे महापालिकेवर निषेध मोर्चा काढला. (Tajya Batmya)

पुढील दोन दिवसांमध्ये धुळे महानगरपालिकेच्या (Dhule Corporation) नगरसेवकांचा पाच वर्षांचा कार्यकाळ संपत आहे. या पाच वर्षांमध्ये सत्ताधाऱ्यांतर्फे धुळेकरांना देण्यात आलेल्या आश्वासनांची पूर्तता त्यांनी केली नाही. यामुळे उद्धव बाळासाहेब ठाकरे शिवसेनेच्या (Shiv Sena) पदाधिकारी व कार्यकर्त्यांतर्फे शिवसेना कार्यालयापासून धुळे महानगरपालिकेवर निषेध मोर्चा काढला. यावेळी ठाकरे गट शिवसैनिकांनी सत्ताधारी भाजप पदाधिकाऱ्यांच्या विरोधात घोषणाबाजी करत, सत्ताधाऱ्यांनी धुळेकरांची फसवणूक केली असल्याचा आरोप लावला आहे,

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

महापौरांना घातला घेराव 

निषेध करत ठाकरे गटाच्या शिवसैनिकांनी महापौर प्रतिभा चौधरी यांना घेराव घातला. तसेच गेल्या पाच वर्षांमध्ये भाजपतर्फे विविध विकास कामांसाठी निधी आल्या संदर्भात बातम्या प्रसारित करण्यात आल्या होत्या व त्या निधीचा वापर कुठल्या विकास कामांसाठी करण्यात आला याची विचारणा करण्यात आली.