धुळे : केंद्र सरकारने लागू केलेल्या नवीन वाहन कायदा विरोधात ट्रक चालकांनी पुकारलेल्या आंदोलनामुळे (Dhule) सर्व जनमानसावर परिणाम झालेला पाहावयास मिळत आहे. ट्रक चालक मालक संपात सहभागी असल्याने पेट्रोलचा पुरवठा होणार नसल्याच्या कारणाने काल सायंकाळपासून पंपावर पेट्रोल (Petrol) भरण्यासाठी वाहनधारकांची गर्दी झाली आहे. यामुळे आज बहुतांश पंपावर पेट्रोल संपल्याचे बोर्ड लावण्यात आले आहेत. (Live Marathi News)

ट्रक चालक मालक संघटनेने संप पुकारला आहे. यामुळे सर्वच वाहतूक क्षेत्रावर परिणाम झाल्याचे पाहण्यास मिळत आहे. परिणामी विविध ठिकाणी इंधन खरेदी करण्यासाठी नागरिकांची पेट्रोल पंपांवर गर्दी होऊ लागली आहे, धुळे शहरात सकाळी नऊ वाजेपासून गर्दी होण्यास सुरुवात झाली असून जोपर्यंत पेट्रोलचा साठा शिल्लक आहे. तोपर्यंत पेट्रोल पंप (Petrol Pump) सुरू राहणार असून, यानंतर पेट्रोल पंप बंद करण्याची वेळ येऊ शकते असा अंदाज विक्रेत्यांतर्फे व्यक्त केला जात आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अकोल्यात पेट्रोल पंपावर वाहनधारकांच्या रांगा .....
अकोला : हिट अँड रन कायद्याच्या विरोधात देशभरात पेट्रोल डिझेल टँकर चालकांनी तीन दिवसाचा संप पुकारला आहे. या संपाचा सर्वाधिक फटका इधन विक्रीवर होण्याची शक्यता आहे. त्यामुळे (Akola) अकोला शहरातील पेट्रोल पंपावर वाहन धारकांच्या इंधन भरण्यासाठी मोठी गर्दी झाली आहे. रात्रीपासून प्रत्येक पेट्रोल पंपावर अशा रंगाचं रांगा लागल्याचे चित्र अकोला जिल्ह्यात पाहायाला मिळत आहे. मात्र याचाच फटका आता सर्वसामान्य नागरिकांना बसतांना आपल्याला पाहायला मिळतो आहे.