धुळे : शिरपूर तालुक्यातील सावरदे येथील तापी नदीच्या पुलावरून ट्रक पुलाचा कठडा तोडून नदीपात्रात (Accident News) पडल्याची धक्कादायक घटना घडली आहे. ट्रक चालक ट्रकमध्येच अडकला असून त्यामधील वाहकाला मात्र नदीपात्रात असलेल्या मच्छीमारांनी बचाव कार्य करत वाचविले आहे. (Breaking Marathi News)

मुंबई– आग्रा महामार्गावर असलेल्या तापी नदीच्या सावरदे पुलावरून चालकाचे ट्रकवरील नियंत्रण सुटले. यानंतर ट्रक थेट पुलावरून कठडा तोडत नदीपात्रात पडल्याची घटना उघडकीस आली आहे. हा ट्रक कुरकुरे घेऊन मध्य प्रदेशच्या (Madhya Pradesh) दिशेने जात असताना ही घटना घडली आहे.

वाहकाला काढले बाहेर, चालक मात्र अडकलेला

ट्रकमध्ये वाहक व चालक दोघेही असताना वाहकाला नदीपात्रामध्ये असलेल्या मच्छीमारांनी वाचवले आहे. परंतु या ट्रकमध्ये अद्यापही चालक तसाच अडकून असल्याने ट्रक चालकाला देखील वाचविण्याचे काम पोलीस प्रशासनातर्फे व मच्छीमारांतर्फे करण्यात येत आहे.