बालाजी सुरवसे

धाराशिव : टीका करणारे पोपट असून पोपटाच्या टिकेला जास्त महत्व देण्याची गरज नाही; ते काहीही बोलत असतात. त्यामुळे (Congress) काँग्रेस व मी त्याला जास्त महत्व देत नसल्याची टीका काँग्रेसचे प्रदेशाध्यक्ष नाना पटोले (Nana Patole) यांनी चंद्रशेखर बावनकुळे यांच्यावर नाव न घेता केली आहे. (Tajya Batmya)

बिहारच्या पाटण्यामध्ये विरोधी पक्षाची जी बैठक होत आहे. ती बैठक काँग्रेस पुढच्या पिढीची भवितव्याच्या चिंतेतून ते एकत्र येत असल्याची टीका (BJP) भाजपचे प्रदेशाध्यक्ष चंद्रशेखर बावनकुळे (Chandrashekhar Bawankule) यांनी या बैठकीवर केली होती. त्याला उत्तर देताना नाना पटोले यांनी चंद्रशेखर बावनकुळे यांचा पोपट असा उल्लेख केला आहे. नाना पटोले हे आज तुळजाभवानीच्या दर्शनासाठी आले असता पत्रकारांशी संवाद साधताना त्यांनी ही टीका केली आहे.

प्रदेशाध्यक्ष बदलाच्या बातम्या भाजपने उडविलेली अफवा

काँग्रेसमधील प्रदेशाध्यक्ष बदलाच्या बातम्या या भारतीय जनता पार्टीने मीडियाच्या माध्यमातून उडविलेली अफवा असल्याचे वक्तव्य काँग्रेसचे प्रदेश अध्यक्ष नाना पटोले यांनी केले. राज्यात अनेक महत्त्वपूर्ण प्रश्न असून त्या मुद्द्यावरून लक्ष विचलित करण्यासाठी भाजप मीडियाच्या माध्यमातून अशा बातम्या पेरत आहे. तरीदेखील याचा निर्णय हायकमांड घेतील; असे नाना पटोले म्हणाले आहेत.