बालाजी सुरवसे
धाराशिव : धाराशिव जिल्ह्यातील कळंब शहरातील कसबा पेठ येथे गॅस सिलेंडरमधूल गॅस लीक होऊन भडका उडाला. यात घरगुती गॅस सिलेंडरचा स्फोट झाल्याची घटना घडली आहे. या घटनेत घरासह संसारोपयोगी साहित्याचे मोठे नुकसान झाले आहे.
धाराशिव जिल्ह्यातील कळंब शहरातील कसबा पेठ भागात वास्तव्यास असलेले बंडू कदम यांच्या घरी ही दुर्घटना घडली, सजकी स्वयंपाक झाल्यानंतर घरातील महिलेने गॅस बंद केला. यानंतर घरातील सर्व सदस्य कामानिमित्ताने बाहेर गेले होते. मात्र गॅस (Gas) बंद करताना गॅस लीक होत राहिला, यामुळे बंद घरात गॅसने भडका उडाल्याने सिलेंडरचा स्फोट झाला. यात घराचे मोठे नुकसान झाले आहे.
सुदैवाने जीवितहानी नाही
गॅस सिलेंडरच्या (Cylinder Blast) स्फोटमध्ये घरातील साहित्याचे मोठं नुकसान झालं आहे. शिवाय मोठा आवाज झाल्याने परिसरातील नागरिकांमध्ये घाबरत पसरली होती. मात्र घटना घडली त्यावेळी कुटुंबातील कोणताही सदस्य घरात नसल्याने सुदैवाने जीवित हानी टळली. दरम्यान घटनेचा पंचनामा करून तात्काळ मदतीची मागणी कुटुंबीयांनी केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.